حشاش عم يألف مسلسل عن نادي الوحدة

بسم الله الرحمن الرحيم انا اقنبست هاد العنوان من ايميل عندي عن حشاش عم يألف مسلسل وبيضل بيلف وبيدور بنفس الدائرة من دون ماتطلع معو اي نتيجة وهي تفاصيل المسلسل : رئيس نادي الوحدة شخص محترم وفي اجماع عليه انو شخص محترم وحيحاول ينتشل النادي من ازمتو يلي عم بيمر فيها وانو هو مع الكل وبواب النادي مفتوحة للكل وانو هو بدو يخلي النادي يوقف على رجليه من دون مايعتمد على حدا من خلا ل الاستثمارات وبعد كم شهر بيلاقي انو هو مع الكل بس الكل مو معو وانو موضوع الاستثمارات شغلة صعبة لانو عم ينده سمعان بس سمعان مالو هون فالزلمة بيحاول انو يعمل الحل الاسرع وانو يجيب من خلال علاقاتو الممتازة وسمعتو وسمعة ناديه الطيبة شركة راعية تدخل على خزينة النادي مبلغ مالي ينعش صندوقو الخاوي بيتفاجئ انو في شركة راعية لاعم تدفع ولاعم تطلع مابيهتم كتير على اساس انو في عقد بين الشركة والنادي والعقد شريعة المتعاقدين بروح مباشرة لعند سمعان وبينده ومتل العادة سمعان مالو هونوبيكتشف انو العقد تحول من وثيقة لضمان حقوق الطرفين للزقة بيطارية للشركة على صدر النادي المهم الزلمة مالح ييأس لح يدور على ولاد النادي او بالاحرى عاملين حالون ولاد النادي وبيقلون بدنا نساعد نادينا ليوقف على رجليه بيكتشف حالو انو مسكين ومو منتبه انو هلئ مافي انتخابات لمجلس الشعب وببلش يتذكر انو هي العالم مابتظهر للنادي الا وقت الانتخابات وبتبلش تتطنطوط على صفحات الجرايد يبمعية الصحفيين المرتزقة وتغني اغاني وتطلق شعارات عن حب النادي وانووهنن ولاد النادي وبيحبوه وببلشو يرشو العملة على كيفون وبينذكر اسمون بطعمة وبلا طعمة المهم الزلمة ببلش اليأس يتسرب لنفسو (لاسمح الله طبعا لانو ثقتنا فيه كبيرة واملنا كذلك)وبيقرر انو يترك رئاسة النادي لشخص امكانياتو المادية مو محدودة على امل انو ينقذ النادي من الوضع يلي هو فيه المهم بيظهر عالساحة ابو جيبة دفيانة وبس يجي عالنادي وببلش يشرط ويتشرط ومابدو حدا من جماعة فلان ولابدو حدا من جماعة علان وبدو عالم تشتغل بنزاهة وبدو اشخاص فلتانين من المدينة الفاضلة يشتغلو معو (على اساس انو هو شغلو الخاص نضيف متل التلج ) المهم ببلش بدال مايشتغل بالشق الفني بيقضيها بالشق الادراي وبيروحلو سنة سنتين وهون ببلشو يلي طالعهون من النادي يصيرو يحبو النادي وببلشو يشتغلو فيه ويخربولو كل مخططتاطو على اساس انو هو جاي يخرب النادي بيعود الزلمة بيلاقي حالو عم يدفع مصاري عالفاضي وماعم يصير شي على كيفو بيعود بيمل وبيترك الساحة للهل الجماعة بيجو هدول بيستلمو واول شغلة بيساوها بيسطرو كتاب لفرع دمشق للاتحاد الرياضي عم يطلبو فيه شي دفعة مادية لانو امور النادي تعبانة وببلشو يحطو ايدون على خدون ويقولو الادارة القديمة عملت والادارة القديمة ساوت ومابيقدمو اي شي بيفيد النادي ولما غيرنا بيكون عم يتحضر للدوري منكون نحنا مو عرفانين شبدنا نساوي وهون ببلش الدوري وبتسوء الاحوال اكتر واكتر وبتسقط ورقة التوت عن هالادارة من خلال التحضير السيء للفريق بيستقيلو وبتصير انتخابات جديدة طبعا مابيظهر عالشاشة غير صاحبنا القديم يلي بحب النادي وعم ينده على سمعان وسمعان مالو هون ومن حبو وخوفو على النادي من الفراغ الاداري برد بيترشح لرئاسة النادي وبينجح وببلش يحاول بموضوع الاستثمارات اخ اسف نسيت حالي ولح رد اكتب المسلسل مرة تانية والله ياجماعة حالة نادينا من عشرين سنة عم تنعاد وتنكر من دون اي تغيير او اي تطوير الو قواعد او اسس ثابتة وان شاء الله هالمرة بتكون غير كل مرة مع انو مالي متفائل واسف عالاطالة والسلام ختام

والله كل الحق على سمعان وسمعان مو هون

والله كل الحق على سمعان وسمعان مو هون

لا تندهي ما في حدا

يعطيك العافية

هاد الواقع

شو هالقصة اللى بتلعي القلب

حشاش واقعي وطرحه مميز يعطيك العافية للأسف هاد واقعنا و الله يفرج أحسن شي